Io non voglio entrare in queste beghe familiari, ne ho già abbastanza da pensare al mio, tra avvocati, lime nelle bisole, naranse, pigiami a righe e bale de fero ai piè.
Dunque, senza indugio alcuno, posto la replica al cugino mandatami da Ansolo.
A me presento co’ educasion
sò Bepi Ansolo e no sò teron,
a sò cugin de Cecco Angioletto
ghe voio ben ma lè un maledeto.
Lu el parla in cicara, tuto infasolà
mi ne capisso, el me pare intronà.
No lè, sicuro, na consolasion
savere d’avere un cugin che lè un smerdon.
Mi a lavoro da matina a sera,
no’ peteno i ochi, e stago a Valliera
e dunque voio a dire la mia
‘na volta per tute e che la sia finia.
Cos’ela sta storia, sta oposision,
se a Valliera vien su un capanon?
A ghemo dirito, e ormai l’è ufficiale
gavremo el nostro CENTRO COMMERCIALE.
‘na bela strutura a busolotto
e invese sti cancari i fa un mato casotto.
Cosa me frega se sul giornale
i dise ca semo ‘na zona rurale?
Beh? Voto vedere che per sta monada
deso Valliera l’è manco de Praga.
A la domenega sarà ‘na fiera
drento el centron fin a la sera
Saremo contenti, emosionà
finalmente Valliera la sarà valorisà!!!!!!!!!!!!!!
Sarà davero ‘na consolasion,
a le diese a messa e po’ al capanon!!!!!!!!!
Manco male ca ghè Santarato
che el porta vanti el nostro fato
e ne stemo tanto a sofisticare
se in Consiglio e va solo a cicare.
El gà modi garbati,
lè un tipo cortese,
l’è el vero lider del nostro paese.
El nostro politico competente
el dise: “Sarà ‘na carta vincente”.
De sta facenda el ‘na fato bandiera
e chi se ne frega se staltri i sera.
Bisogna insegnarghe ai nostri putei
che quelo ca vale iè solo i schei,
comprare e avere tanta roba
cunta ninte se la testa lè voda,
non pensare e star in meso al casino…
cusì se cresse el citadino,
che più el sa ninte e meio lè
basta chel siga Viva el re.
Mi da sempre cusì ho fato
e proprio per questo a sò sodisfato,
sò contento, contenton
co’ l’era de Bobo i farà el CAPANON!!!!!!!!!!!!!!!!
Tò, a la facia de chel fetente…mi cugin inteligente.
 |
| Il cugino di Sor Angioletto, Bepe Ansolo |
Nessun commento:
Posta un commento