Ormai a conosì la mi impostasion
so' bepi Ansolo e no so' teron,
co mi cugin ne ghè speransa
lè un patacon sensa creansa.
Cosa valo a bambanare
dei grilli in Consiglio Comunale?
Sa fusse per mi, visto che i siga,
ghe daria na bota de inseticida.
Cos'elo era sto gran sfondron
chi vol metere bobo in television
e invese de vedare el Grande fratello
se ciucemo i discorsi de maltarello.
Qua se' drio passare misura
e mi lo digo sensa paura...
Ma per cosa li emia eleti?
per no farse scassare i cosidetti
e preciso che mi no so' imbesile
perchè a g'ho cosciensa civile.
Mi me basta che el mi lampion
el funsiona a la perfesion,
che per la strada i me buta giarina,
e che el fosso i me tombina...
La mi città per mi l'è questa
e per el resto ne me infasso la testa.
Mi so' contento e so' beato
quando che al bar a vien Santarato
che con gran amore e costansa
el me spiega i pregi de sta maggioransa
Se dopo, pol darse, ghe qualche traquacio
ne ghè bisogno da fare sconquasso
anca naltri ghemo i nostri interessi
...volio ca semia proprio di fessi?
Il cittadini va educato
a essere un vero mentecato
a scoltare co devosione
solo la voce del padrone
e voio sgnacarve sto bel deto
che a mi el me pare perfeto
BOBO,TEMPO E SIORI
FA QUEL CHE VOLE LORI
Orco ladro le' na gran verità
lè par quelo ca li emo votà.
 |
| Bepi Ansolo anche lui in tenuta estiva |
Nessun commento:
Posta un commento