Ecco, dunque, la sua risposta.
Torno a parlare co’ educasion
E a ricordarve ca ne so un teron.
Ho capio che l’è el mi destin
darghe del mona a mi cugin
e scuseme sa gò un parente che lè un vero deficiente,
e sopratuto lè un gran monaroso
el pensa e el scrive da borioso
Mi lavoro e pago le tasse
in te la testa ne gò pantasse,
so leghista da Valliera
e vago al bar ogni sera.
Altro che “…gorgo d’Eridano”
(come ca dise mi cugin pataca, ca voria savere cossa che lè)
lì ghè el vero pensiero padano,
el vero verbo del cittadino
tra un spuncioto e un volantino.
E lora disime dovelo el male
se Bobo el vende anca el canale?
Se po’ i ghe mola cigni e osei
se ghe guadagna ‘na barca de schei.
Ma voto vedare, orco ladron,
che deso el sindaco ne lè più paron?
Semia o no semia in democrazia?
E lora la roba la demo via,
come e quando meio ne pare
e sensa tanto star lì a parlare.
Mi par esempio che la canarina
ca ghè d’arente al bar de la Pina
nol me pare ‘na rarità
e dunque ne venderlo saria un pecà.
Ma pensa che idea originale
farghe un bel centro commerciale!
Podria occuparsene Santarato
che lè maestro del manufato.
Pensè che belo, che fenomenale
butare sò el Comunale!
“Ahi che pazzia, che iattura
disfar il cuor della cultura!”
Ma tasi Cecco! Che ti ho già detto, (sa voi parlo un taliano eneccepibile)
tiè un comunista maledetto.
Volemia capire finalmente
che sta cultura ne cunta ninte,
ansi lè peso de un flagelo
perché a la sente la verse el servelo
e invese a naltri ne va benon
far solo la “Sagra del bosgaton”.
Bevi, magna e non pensare
lè politica popolare
credeghe a tuto con convinsion…
Questa lè vera partecipasion!!
 |
| Bepi Ansolo |
Nessun commento:
Posta un commento